Големи се шансите хрватскиот претставник Бејби Лазања да победи оваа година и да ја однесе Евровизија во Загреб следната пролет, судејќи по бројките на обложувалниците, како и поддршката на обожавателите од цела Европа.

Загреб беше домаќин на Евровизија во 1990 година, а тогаш Југославија ја претставуваше Татјана Матејаш – Тајчи со песната „Хајде да лудујемо“. Хитот, кој до ден-денес го пееме, беше поткрепен со едноставен, но енергичен настап, а Тајчи со фризура во стилот на холивудската икона Мерилин Монро, облечена во розов фустан и сатенски розови потпетици истовремено пееше и танцуваше.

Инаку, по првото полуфинале, секоја година традиционално се одржува „Балканска забава“, а годинава гости биле поранешните претставници Сања Вучиќ, Бојана Стојменов и Констракта, на кои им се приклучила и Тајчи.

Судејќи според инстаграм-приказните што ги сподели, Тајчи на забавата ја испеала „Ајде да лудуваме“ и тоа, во сега веќе легендарниот розов фустан.

Можете ли да поверувате дека 34 години подоцна мини фустанот идентично ѝ стои? Мала промена доаѓа во формата на потпетиците и фризурата, која е сепак кратка, но не толку натапирана, но сите детали од фустанот се тука.

Пејачката со години живее во Америка, а Евровизија 2024 беше идеална прилика повторно да ги разгори старите емоции и спомени.