Славната британска актерка и оскаровка Хелен Мирен (77) ќе го толкува ликот на израелската премиерка Голда Меир во филмот „Golda“.

Официјалниот трејлер за ова остварување е објавен, а филмот е заснован на вистинска приказна и следи период од 19 „напнати денови“ околу Јомкипурската војна во 1973 година.

Хелен Мирен за оваа улога морала да направи голема промена во својот изглед, а по објавувањето на трејлерот, многумина се импресионирани од нејзината трансформација.

Потсетуваме, кога минатата година беше соопштено дека Хелен ќе ја глуми Голда Меир, актерката се соочи со негативни критики бидејќи многумина тврдеа дека Голда „треба да ја глуми Еврејка“.

Мирен подоцна изјави дека за тоа разговарала со режисерот и дека тој „токму неа ја сакал за таа улога“.

„Ако некој кој не е Евреин не може да глуми Еврејка, дали може некој кој е Евреин да глуми некого што не е Евреин?“, изјавила таа за „Дејли мејл“ по тој повод.

Хелен Мирен е позната по неверојатните трансформации за улогите во својата богата, долгодецениска кариера.

ГАЛЕРИЈА | Доделени САГ наградите: Најпрестижните холивудски имиња на едно место, еве ги победниците

Хелен Мирен и на 74 години знае што е мода: Со овој стајлинг таа ги воодушеви и девојките (ФОТО)