Пејачката Ријана ги воодушеви обожавателите со ново видео на социјалните мрежи. Атрактивната музичарка позираше во боди во боја на кожа, истакнувајќи ја својата завидна фигура и облини.

Со ова, пејачката ја претстави новата колекција производи за коса од нејзиниот бренд „Фенти“, но малкумина воопшто забележаа дека пејачката промовира нов производ.

Таа го нагласи деколтето со боди,  а во одредени моменти во видеото – во прв план беше нејзиниот задник. Пејачката позираше со насмевка на лицето, а обожавателите ја опсипаа со комплименти.

„Девојко, знаеш дека никој не гледа во тој спреј за коса?“, „Не знам што продаваш, но го изгледав ова видео 16 пати“, „Го погледнав ова видео повеќе пати отколку што сакам да признаам, а дури сега сфатив дека е реклама“, „Не бев подготвен за ова“, „Изгледаш прекрасно“, „Вака изгледа вистинска жена“, ѝ пишуваа фановите.

Ријана пред неколку дена му даде поддршка на својот партнер Ејсап Роки на суд. Таму пристигна во придружба на своите обезбедувачи, а со неа беа и нивните деца за да му дадат поддршка на својот татко. Реперот би можел да биде осуден на 24 години затвор поради наводно пукање во неговиот поранешен пријател Ејсап Рели во 2021 година. Роки првпат беше уапсен во април 2022 година, по враќањето од патување на кое бил со Ријана.

Сега се соочува со две обвиненија за напад со полуавтоматско оружје, но се изјасни за невин. Покрај тоа, одби договор за признавање вина според кој би отслужил шест месеци затвор, со условна казна од седум години и три години пробација.