Натпреварот од 36. коло во француската Лига 2 помеѓу Троа и Валенсиен беше прекинат во 89. минута поради инцидент кој се случи помеѓу домашните навивачи и фудбалерите. На Екипата на Троа и се заканува испаѓање во третиот ранг натпреварување и поради тоа домашните навивачи одлучија нешто да направат.

Имено, тие со фрлање пиротехнички материјали на теренот во 89. минута го прекинаа натпреварот и така налутија одредени играчи, посебно резервистот Жуниор Олаитан. Фудбалерите на Троа се обидоа да се справат со проблемот така што почнаа пиротехничките материјали да ги враќаат на трибините, но со тоа предизвикаа само нови нереди.

Троа е клуб во сопственост на компанијата „City Football Group“ на која најголем претставник е Манчестер Сити, па поради тоа навивачите и скандираа: „Ти благодариме, Сити“.

Судијата поради нередите означи крај на натпреварот порано од предвиденото, а сега дисциплинската комисија ќе има полни раце работа. Троа на табелата во овој момент е на 17. место со 37 бодови, додека Валенсиен е последен со 23. Двата тима се на чекор од испаѓање во третата лига.

A dark night for Troyes. Their home match vs Valenciennes is abandoned as fans throw flares onto pitch, and some players throw them back into stands! Troyes are on the brink of successive relegations. Owned by the City Football Group, fans ironically chant “Merci City”. pic.twitter.com/ocRWes9igx

— Colin Millar (@Millar_Colin) May 3, 2024