Претседателот на Партијата за слобода и правда (СПП), Драган Ѓилас, денеска изјави дека „драстичниот пад на поддршката за Александар Вучиќ и Српската напредна партија е резултат на тоа што луѓето се ослободиле, покажуваат што мислат и излегуваат на улица“.

„Тоа што Вучиќ кажа дека самиот решил да влезе во Клиничкиот центар, дека Обвинителството бара кој ги паркирал тракторите, а тој самиот ги паркирал тракторите, покажува дека тој е човек на кој му е потребна итна хоспитализација“, рече Ѓилас во емисијата „Меѓу нама“ на телевизија „Нова С“.

Тој предупреди дека последиците, пред сè за новинарите на „Јунајтед Медиа“, може да бидат катастрофални, бидејќи според него, луѓето кои извикуваа погрдни зборови кон новинарите на „Н1“ навистина веруваат во тоа што го зборуваат.

„Тие навистина мислат дека луѓето што работат на овие медиуми се „предавници“, дека се „усташи“, дека работат против својата земја. Тие навистина мислат дека студентите се „терористи“, затоа што така ги нарекува Вучиќ, дека сакаат да ја урнат Србија, како што тој зборува за нив, но и за целиот овој народ, затоа што ние во Србија, всушност, со месеци имаме бунт под водство на студентите“, рече српскиот опозиционер.

Neophodna je hitna hospitalizacija Aleksandra Vučića!
Čovek koji izjavi da su N1 i Nova platforme za sprovođenje nasilja, da je on sam sebi dozvolio da uđe na intenzivnu negu i da je sam dovezao traktore ispred predsednistva i šta mi možete, ozbiljno je oboleo čovek.
On je… pic.twitter.com/gQ6DVSdrZU

— Dragan Djilas (@DraganDjilas) April 9, 2025