Maнчестер јунајтед победи во дербито против градскиот ривал и така ја продолжи кризата на „граѓаните“ (1:2).

Манчестер сити беше подобар противник во најголем дел од натпреварот имаше и водство речиси цел натпревар, а на крајот мораше да се помири со поразот.

Хрватскиот дефанзивец Јошко Гвардиол ги доведе „граѓаните“ во водство со голот во 36. минута и таа предност беше актуелна се до 88. минута.

Сити и беше подобриот противник до тие последни минути од натпреварот кога прво Бруно Фернандеш израмни од пенал, а две минути подоцна Диало одлично реагираше пред голот и ја затресе мрежата за конечна победа.

Манчестер сити по овој пораз падна на петтата позиција на табелата, додека јунајтед со трите бода дојде до 12. место и има три помалку од Астон Вила која е на шестото место.