Во дербито на 18 коло во најквалитетната италијанска лига вечерва на „Сан Сиро“ стадионот славеше екипата на Наполи против Милан со 0:1.

Стрелец на единствениот гол за „наполитанците“ беше македонскиот репрезентативец Елиф Елмас во петтата минута од средбата.

Уште еден интересен податок за тој погодок на нашиот играч, тоа е вториот најбрз гол на Наполи во Серија А против Милан. Најбрзиот го имаше Гокхан Инлер во четвртата минута во ноември 2012 година.

5 – Eljif Elmas (after 5 minutes) has scored Napoli's fastest Serie A goal against AC Milan since Gökhan Inler (4') in November 2012. Speed.#MilanNapoli

— OptaPaolo ? (@OptaPaolo) December 19, 2021

eljif elmas'ın milan'a attığı gol ? pic.twitter.com/W4WMb5etlX

— fener aesthetics (@feneraesthetics) December 19, 2021

Домаќините во самиот финиш успеаја да постигнат гол преку Кесие, но истиот после ВАР снимката беше поништен поради офсајд.

Тоа е враќање на екипата на Лучано Спалети кон победите после три меча по ред во Серија А без триумф и продолжување на трката за Скудетото. Моментно незапирливиот Интер води на табелата со 43 бодови, три повеќе од второпласираниот Наполи и Милан на третата позиција.

Во следното коло Наполи на 22 декември ќе биде домаќин на Специја, Милан истиот ден ќе му гостува на Емполи, додека Интер ќе го пречека Торино.

Серија А, 18. коло

Недела, резултати –

Фиорентина – Сасуоло 2:2
Специја – Емполи 1:1
Сампдорија – Венеција 1:1
Торино – Верона 1:0
Милан – Наполи 0:1

Табела: Интер 43 бодови, Наполи 39, Милан 39, Аталанта 37, Рома 31, Фиорентина 31, Јувентус 31, Лацио 28…