фото: EPA-EFE/Isaac Fontana

ВИДЕО | Нејмар се обиде да го копира Марадона, а за тоа доби црвен картон

Бразилскиот фудбалер Нејмар повторно е главна тема во тамошните медиуми. На натпреварот против Ботафого, напаѓачот на Сантош доби црвен картон поради очигледно играње со рака кое многумина ги потсети на познатиот потег на Диего Марадона – „Божјата рака“.

Во моментот кога резултатот беше 0:0, во 75. минута од мечот играчот на Сантош со рака ја испрати топката во мрежата. Судијата немаше дилеми, му додели втор жолт картон и исклучување.

Сантош остана со 10 играчи по исклучувањето и прими гол десет минути подоцна и така беше поразен со 1:0. Клубот сега е на 18. место на табелата по 11 кола и е во сериозна борба за опстанок.

Она што дополнително ја комплицира ситуацијата е фактот дека краткорочниот договор на Нејмар со Сантош е потпишан до 30 јуни, а со оглед на суспензијата за следниот натпревар против Форталеза и фактот дека дуелот со Палмеираш не се игра до 12 јули – многу е можно тој да го одиграл својот последен натпревар против Ботафого оваа сезона.

Враќањето на Нејмар во татковината, кое требаше да биде бајка, досега се претвори во разочарување. Тој пропушти осум натпревари поради повреди, постигна само три голови во 12 настапи, а сега дополнително ја искомплицира ситуацијата со својот неспортски потег.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот