Бразилскиот фудбалер Нејмар не можеше да посака подобар начин да им се одмазди на противничките навивачи за исвиркувањето и навредите, откако во неделата вечерта постигна гол директно од корнер.

Се играше 27. минута кога асот на Сантош погоди за 2:0, во убедливата победа од 3:0 на неговиот тим над Интернасионал од Лимерија.

Додека се движеше кон корнер знаменцето, Нејмар беше мета на свирежи од домашните навивачи. Пред да го изведе ударот од корнер, ја стави раката на уво, повикувајќи ги навивачите уште погласно да го исвиркуваат.

Неколку секунди подоцна изведе одличен удар од корнер и со помош на стативата постигна гол. Седна на билбордот, ги прекрсти рацете и енигматично ги крена рамениците.

Ова беше негов шести настап за Сантош откако се врати во неговиот матичен клуб од саудискиот Ал Хилал на 30 јануари, што е повеќе минути отколку за две години во споменатиот клуб.

– Fans boo Neymar
– Neymar tells them to be louder
– Neymar then scores directly from the corner

GÊNIO!!!!!!!!! ? pic.twitter.com/DantZQeKEK

— Brasil Football ?? (@BrasilEdition) February 23, 2025