ВИДЕО | Неидентификувани дронови повеќе не се над воздушниот простор на данскиот аеродром Алборг
Данската полиција денес објави дека неидентификуваните дронови што беа забележани во Северен Јитланд повеќе не се над воздушниот простор на аеродромот Алборг, пренесува Ројтерс.
Препорачано
-
1
-
2
-
3
Претходно беше објавено дека воздушниот простор над меѓународниот аеродром Алборг е затворен поради присуство на дронови. Три други помали аеродроми во јужниот регион на земјата – Есбјерг, Сондерборг и Шкридструп – исто така пријавија активност на дронови, но не беа затворени.
„Активностите на дронови го нарушуваат нормалното работење на аеродромот. Воздушниот простор е затворен поради активност на дронови, а сите летови се сè уште суспендирани. Аеродромот во моментов не функционира додека се во тек безбедносните проверки и истраги“, изјави регионалниот шеф на полицијата Јеспер Бојгард, според данската јавна служба ДР.
Footage published earlier tonight by Norwegian state media, claiming to show one of the large, unidentified drones that shutdown Copenhagen Airport in Denmark for several hours on Monday. pic.twitter.com/IeosEuRd7n
— OSINTdefender (@sentdefender) September 23, 2025
Според него, полицијата и надлежните органи во моментов го истражуваат инцидентот и преземаат потребни чекори за да се обезбеди безбедноста на воздушниот сообраќај.
Бојгард нагласи дека властите работат заедно за да ја стават ситуацијата под контрола и што е можно поскоро повторно да го отворат воздушниот простор.
Во меѓувреме, аеродромот во Копенхаген повторно се отвори откако беше погоден од сличен проблем предизвикан од беспилотни летала во претходните часови.
