Во гостување во информативната емисија „Слободен печат“, политичкиот аналитичар Бесим Небиу одговарајќи на прашање околу предизборниот период, оцени дека последните случувања со преодната влада укажуваат на отсуство на политичка култура.

„Во моментов во Европа не постои никаде таков пример на техничка влада. Техничка влада и нејзино функционирање кое трае 100 дена, но во реалноста трае малку повеќе, означува рана фаза на кампања и тоа го видовме со бојкотот на некои министри на сликањето на целиот состав на Владата, што покажува отстуство на елементарна желба за симболика за процедура за почитување на одредени базични елементи на политичка култура“, порача Небиу.

Според него, форматот на ваква преодна влада е надминат и како концепт е непознат за ресичи сите држави во Европа.

„Идејата на ваква влада е во отсуство на доверба во системот и институциите опозиџијата да води две министерства коишто најмногу можат да влијаат на гласачите, тоа се органите на безбедност и органите што вршат социјални трансфери. Тоа е констатација од 2015 година кога е донесен пржинскиот правилник и тој стои 10 години и партиите не нашле за сходно да најдат нов модел. Ние сакаме во ЕУ, а избори правиме со техничка влада што ниедна земја членка на ЕУ или земја кандидат го нема. Како механизам е непотребен не ги постигнува целите, а личи грдо, но сепак, да ги постигнеше целите ние немавме да имаме потреба од втора и трета техничка влада“, заклучи Небиу.

Целото интервју со Бесим Небиу, погледнете го во продолжение:

ВИДЕО | Георгиевска: Медиумите мора самите да се борат за сопствено унапредување