Манчестер јунајтед вчера  убедливо славеше на гостувањето кај Атлетик Билбао со 3-0, но наместо стрелците, целиот фокус денес е насочен кон дефанзивецот Хари Мегваер  и тоа поради нешто невообичаено за неговата позиција.

Иако не постигна гол, ниту направи некој клучен дефанзивен потег, Мегваер стана хит на интернет благодарение на својата улога во првиот погодок. Играјќи на десната страна изведе неочекуван дриблинг, а потоа испрати прецизен центаршут, по кој Касемиро со глава ја затресе мрежата.

Социјалните мрежи експлодираа од коментари, а Мегваер дури доби и нов прекар – „Харидињо“, алудирајќи на мајсториите на бразилската легенда Роналдињо.

„Беше забавно да се пробијам по десната страна и да упатам добар центаршут. Имаше голема гужва во шеснаесетникот, се гледаше дека соиграчите веруваат во мене. Среќен сум што Касемиро одлично реагираше“ изјави  Мегваер, кој со задоволство го прифати новиот прекар.

– Брилијантно! – кратко одговори кога новинар му спомна за “Харидињо”.

Настапот на Мегваер уште еднаш потсети дека во фудбалот секој играч може да изненади, особено кога игра со самодоверба.

Harry Maguire, I am stood up applauding. pic.twitter.com/W18RSJRwuN

— han (@unitedhan) May 1, 2025