Наполи одговори на синоќешната победа на Интер, фудбалерите на тренерот Антонио Конте ја совладаа Фиорентина на домашен терен со 2:1 во едно од дербито на колото во Серија А и сѐ уште заостануваат еден бод зад „нераѕурите“.

Ова беше прв триумф за Наполи по пет одиграни натпревари во италијанскиот шампионат. Наполи поведе во 26. минута, ударот на Мектоминај го одбрани голманот на Виола, а Лукаку ја испрати одбиената топка во мрежата.

Домашните стигнаа до 2:0 со голот на Распадори. Натпреварот се играше во 60 минута, кога Лукаку му асистираше на својот соиграч во нападот и постигна прекрасен гол од 10 метри.

Фиорентина шест минути подоцна со погодокот на Гудмундсон намали на 2:1. Исланѓанецот во свој стил го погоди долниот лев агол од околу 20 метри.

Гостинскиот тим се обидуваше на сите начини да дојде до бод, но Наполи го задржа своето водство. Тимот од Фиренца по овој пораз е на седмото место со 45 бодови.