Наоми Осака од Јапонија се пласираше во полуфиналето на Отвореното првенство на САД, нејзино прво полуфинале на грен слем турнир од 2021 година кога беше меѓу најдобрите четири тенисерки на Австралија опен чиј пехар го освои подоцна.

Осака во четвртфиналниот дуел на САД опен ја совлада Каролина Мухова од Чешка со 2-0 во сетови (6:4, 7:6).

Осака спаси една брејк топка на самиот почеток, а потоа во 10 гем од сетот стигна до 0:40 и ја искористи втората сет топка за водство од 1-0 во сетови.

Мухова, која, како и во претходните мечеви, имаше проблем со бутот, поведе со брејк во првиот гем од вториот сет, но веднаш го загуби сервисот.

Чешката тенисерка потоа водеше со 5:4, имаше шанса да сервира за израмнување, но Јапонката повторно успеа да направи рибрејк, да го одведе сетот во тај-брејк во кој беше подобра со 7:3.

Осака ќе игра во полуфиналето против Американката Аманда Анисимова, која претходно ја елиминираше Ига Швјонтек. Во второто полуфинале ќе настапат Арина Сабаленка и Џесика Пегула, финалистките од минатата година.

Интересно е што Наоми Осака го освоила секој грен слем турнир на кој стигнала до полуфиналето.

NAOMI OSAKA'S US OPEN RUN CONTINUES ♥️

She is now 5-0 in Major quarterfinals 👏 pic.twitter.com/vB5Xcu2pSC

— SportsCenter (@SportsCenter) September 4, 2025