ВИДЕО | Најмладиот кинески екипаж на астронаути полета кон вселената
Најмладиот кинески екипаж на астронаути во историјата се упати кон кинеската вселенска станица, отворајќи го патот за новата генерација „таиконаути“ да ги исполнат амбициите на нивната земја за истражување на вселената. Вселенското летало Шенжу-17, или „Божествен брод“, полета со ракета Лонг Марч-2Ф со тројца патници од центарот за лансирање на сателити Џиукван во северозападна Кина.
Препорачано
Шестмесечната мисија ја предводи поранешниот пилот на воздухопловните сили Танг Хонгбо (48), кој беше дел од првиот екипаж на вселенската станица во 2021 година. Неговото враќање во орбитирачката станица Тиангонг, „Небеската палата“, исто така поставува нов рекорд за најкраткиот интервал помеѓу две мисии на таиконаути, термин измислен од кинески зборови за вселената.
China’s Shenzhou-17 launch in 60 seconds #SpaceChina pic.twitter.com/cAqprIWWxx
— CGTN (@CGTNOfficial) October 26, 2023
Оваа мисија е навестување за побрзата ротација на кинеските астронаути во иднина. Заедно со Танг, 33-годишниот Танг Шенџие и 35-годишниот Џијанг Ксинлин за прв пат полетаа во вселената. Кина го започна и процесот на селекција на четвртата група астронаути.
Од кандидатите се бара да имаат завршено докторски студии во научни дисциплини, од физика, биологија и хемија до биомедицинско инженерство и астрономија. За прв пат можат да се пријават и кандидати од Хонг Конг и Макао. Првите две групи „таиконаути“ беа сите поранешни пилоти на воздухопловните сили кои се приклучија на Народноослободителната армија во 1995 година на 20-годишна возраст.
