Фудбалскиот свет доби ново „чудо од дете“, и тоа од редовите на славниот бразилски клуб Фламенго. Осумгодишниот Натанзињо веќе го привлече вниманието на светската јавност откако стана најмладиот фудбалер во историјата на клубот кој потпишал спонзорски договор со спортскиот гигант „Најк“.

Младиот напаѓач е дел од академијата на Фламенго и зад себе има одлична сезона во тимот до осум години. Со 18 постигнати голови беше најдобар стрелец во државното првенство за својата возраст, а блескаше и на меѓународниот турнир „Иберкуп“ во Рио, каде што даде уште 11 погодоци и ја освои наградата за најдобар играч.

8 years-old and he already signed for Nike.

Nathanzinho became the youngest athlete in Flamengo’s youth system to do so.

🇧🇷😳@flazoeiro

pic.twitter.com/XLic8k5RKt

— Rising Stars XI (@RisingStarXI) August 14, 2025

Американската компанија „Најк“ одлучи навреме да се осигура и веќе потпиша договор со талентираниот Натанзињо, надевајќи се дека тој ќе го следи патот на најголемите бразилски фудбалски ѕвезди. Сличен потег „Најк“ направи и во 2020 година со Кауан Басиле, кој тогаш како осумгодишник исто така потпиша договор, а денес има милионски број следбеници на социјалните мрежи и соработува со Нејмар.

Но, не секоја приказна има експресен развој. Потсетување е и примерот на Јусуфа Мукоко, кој како 14-годишник потпиша богат договор со истата компанија, но денес не е дел од европската елита, туку настапува за Копенхаген.

✍️ NATHANZINHO, DE APENAS 8 ANOS, É O ATLETA MAIS JOVEM DA BASE DO FLAMENGO A ASSINAR COM A NIKE 🇧🇷🔴⚫️

A base do Flamengo segue revelando talentos, e um deles acaba de entrar para a história. Com apenas 8 anos, Nathanzinho tornou-se o atleta mais jovem da nova geração… pic.twitter.com/5hPvNjLTFQ

— Flazoeiro (@flazoeiro_) August 11, 2025