ВИДЕО | Морничава трансформција до непрепознатливост: Погледнете ја Ким Кардашијан во „American Horror Story“
Љубителите на хорор-жанрот наскоро ќе уживаат во новата сезона на „American Horror Story“ (Американска хорор приказна), но најавата за новата сезона не е толку голема вест како таа дека една од улогите ќе ја толкува старлетата и ријалити ѕвезда Ким Кардашијан.
Препорачано
Ким доживеа вистинска трансформација за нејзината улога во најновата сезона на хит серијата и изгледа целосно непрепознатливо во првиот трејлер за 12-та сезона од морничавиот серијал. Во трејлерот Ким носи долга бела перика и црн фустан, а во рацете држи дете додека во позадина свири морничавата верзија на песната „Rock-A-Bye Baby“.
Нејзината кожа е обоена во бела боја, што е остар контраст со нејзиниот впечатлив црвен кармин и драматични трепки. Нејзините колешки Ема Робертс и Кара Делевињ се облечени во слични стајлинг кои личат на фигури без лице, носат иста бела перика и изведуваат морничав танц.
Најновата сезона на антологиската серија, наречена „Delicate“, е базирана на романот „Нежна состојба“ (Delicate Condition) на Даниел Валентин, кој зборува за жена која верува дека некој се обидува да ја спречи да има дете. Иако трејлерот одушеви многу обожаватели, веста за вклученоста на Ким Кардашијан во серијата предизвика различни реакции.
Иако креаторот на серијата Рајан Марфи ја опиша Ким Кардашијан како една од „најголемите телевизиски ѕвезди во светот“, другите актери не беа импресионирани од неговата одлука да и` додели улога на личност која не е глумица. Пети ЛуПоне, која и самата глумеше во серијата, откри дека не и`се допаѓа изборот на Ким, бидејќи улогата им ја преземала на „другите актери“ кои повеќе ја заслужиле.
Актерката Шерон Стоун, исто така, на социјалните мрежи коментираше дека Ким не е достојна за улогата.
„Па, знаете… Глумата не е толку напорна како операција на мозокот, но сепак, ние ја цениме нашата уметност. Учевме, страдавме, во тоа е работата“, рекла Шерон.
Ким одела на часови по глума за да се подготви за улогата, а зборувајќи за „Вариети“ на Мет Гала, таа објаснила дека добива помош од професионалци и навистина ужива во „тој предизвик“.
„Навистина е забавно да излезете од вашата комфорна зона и да пробате нешто ново и да растете. Многу сум возбудена поради ова искуство“, рекла Ким.
