Катастрофалното невреме „Даниел“ кое ја погоди Грција го опустоши и Пефкохори, на полуостровот Халкидики, каде морето навлезе во куќи и продавници, предизвикувајќи големи штети, објавија грчките медиуми.

Проблемите почнаа во понеделникот вечерта (4/9), но пикот го достигнаа во вторникот (5/9) на полноќ поради обилните врнежи од дожд и силниот ветер.

На плажата Пефкохори, како што пренесува ЕРТ, бурните ветрови откорнале чадори и лежалки, а имало и прекини на струја.

Жителите на околината од утрово ги чистат оштетените угостителски и трговски објекти како и сместувачките капацитети покрај брегот, а на туристите кои беа изненадени од екстремните временски услови веќе им се уништени и одморите.