Србија ги освои трите бода во дуелот со Андора, славејќи убедливо со 3-0 благодарение на блесокот на Александар Митровиќ, кој постигна хет-трик и на најдобар можен начин го заокружи својот 100-ти настап во дресот на репрезентацијата.

Фудбалерите на Србија уште од стартот ја наметнаа својата игра, а домашната публика во Лесковaц првпат се израдува веќе во 12. минута, кога Митровиќ го отвори резултатот. Во вториот дел, по само седум минути игра, беше досуден пенал за Србија кој токму Митровиќ го реализираше, комплетирајќи го својот хет-трик и поставувајќи ги конечните 3-0.

Во рамките на истото квалификациско коло, најубедлив настап забележа Холандија која на домашен терен ја декласираше Малта со високи 8-0. Депај и Мален постигнаа по два гола, а по еднаш во листата на стрелци се запишаа Ван Дајк, Симонс, Ланг и Ван де Вен.

Успешна вечер имаше и Австрија која со сигурни 4-0 го совлада Сан Марино на гости, при што два гола постигна Марко Арнаутовиќ. Албанија ремизираше 1-1 на гостувањето кај Летонија, додека Романија ја совлада Кипар со 2-0.