
ВИДЕО: Миовски донесе водство за Македонија, Молдавија израмни со еврогол на Дамашкан
Македонската фудбалска А репрезентација по четврти пат одигра нерешено против Молдавија во досегашните дуели откако денеска во пријателскиот натпревар на стадионот „Мардан“ во Анталија ремизираше 1:1.
Препорачано
Во 17 минута, македонската репрезентација ја имаше првата шанса на мечот. Барди нафрли во шеснаесетникот, а ударот со глава на Серафимов заврши малку покрај голот на Молдавија. Во 24 минута, Молдавците го блокираа ударот на Елмас, а веднаш потоа, непрецизен беше и шутот на Атанасов. Алиоски во 30 минута упати прецизен центаршут кон Ристовски, но нашиот напаѓач со глава шутираше покрај голот.
Молдавија во 41 минута ја имаше својата најдобра прилика во првото полувреме, но ударот на Моцпан го одбрани Димитриевски. Нашите најдобри фудбалери водеа по првото полувреме со голот на Бојан Миовски непосредно пред паузата.
Во второто полувреме, Македонија отвори многу подобро од противникот. Одлична шанса во 56 минута имаше Милан Ристовски, но откако убаво се ослободи од одбранбениот фудбалер, шутираше за малку покрај голот на Молдавија. Две минути подоцна по наш корнер се обиде и Илјазовски, но внимателен беше гостинскиот голман.
Елиф Елмас во 76 минута по одлично проигрување со Митровски шутираше од добра позиција, но повторно одбрани гостинскиот голман. Имавме позитива до 83 минута кога Молдавците успеаја да го избегнат поразот со прекрасниот погодок на Дамашкан.
Super goal scored by Vitalie Damascan during the friendly match North Macedonia ?? – Moldova ?? (1-1) on March 22 in Antalya (Turkey) pic.twitter.com/dVF6agxepM
— Daghi Victor (@DaghiVictor) March 22, 2024
Македонија: 1. Столе Димитриевски, 2. Ахмет Илјазовски, 4. Никола Серафимов, 6. Висар Муслиу, 7. Елиф Елмас, 8. Езѓан Алиоски (46 Бојан Димоски), 10. Енис Барди (46 Димитар Митровски), 11. Дарко Чурлинов (63 Тихомир Костадинов), 19. Милан Ристовски (63 Агон Елези), 20. Бојан Миовски (76 Лирим Ќамили), 21. Јани Атанасов;
Избраниците на селекторот Благоја Милевски во Анталија ќе одиграат уште еден контролен меч против селекцијата на Црна Гора на 25 март.