Фото: Inter

ВИДЕО | Mилано е сино-црно: Интер е првиот финалист во Лигата на шампионите!

Тимот на Интер е првиот финалист во Лигата на шампионите откако вечерва со уште една победа го елиминираше градскиот ривал Милан.

Имаше Интер и пред денешниот натпревар предност од 2:0 од првиот натпревар, а вечерва во улогата на домаќин запиша уште една победа, сега минимална. Создаде Милан неколку прилики во првото полувреме, но се закани и Интер. На двете страни видовме добри одбрани на голманите Онана и Мањан.

Во вториот дел темпото на игра на Милан падна, па Интер полека го приведуваше натпреварот кон крајот. Се беше решено на 15-тина минути до крајот кога Мартинез по додавањето од Лукаку го совлада Мањан и ги постави конечните 3:0.

Финалето во Истанбул се игра на 10-ти јуни на стадионот „Ататурк“ во Турција.

Тој гол за Мартинез беше трет во Лигата на шампионите, но сигурно и најважен сезонава. Во финалето Интер ќе го чека подобриот од двомечот помеѓу Манчестер Сити и Реал Мадрид, реваншот се игра утре, а во првиот натпревар во Мадрид немаше победник (1:1).

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот