Вечерва во рамките од 36 коло во најсилното италијанско првенство фудбалерите на Милан дома со 3:1 триумфираа над Болоња.

После првото полувреме мрежите мируваа, а на стартот од вториот дел гостите дојдоа до водство преку Орсолини (49`).

Пресвртот на „росонерите“ почна од 73 минута кога израмни Хименез, а во 79 минута за позитива се погрижи Пулишиќ.

Конечниот епилог беше поставен во самиот финиш од средбата со вториот погодок на Хименез (90+2`).

На табелата во Серија А Милан е на осмата позиција со 60 бодови, два помалку од седмопласираната Болоња.

Во следното коло Милан ќе гостува кај Рома на 18 мај, додека Болоња истиот ден ќе се соочи против домашната екипа на Фиорентина.

Инаку Милан и Болоња ќе се сретнат и за пет дена во финалето на Купот на Италија на стадионот „Олимпико“ во Рим.