Фудбалерите на Милан и Интер ремизираа со резултат 1:1 во првиот натпревар од полуфиналето во Купот на Италија.

По првото полувреме без голови, Милан поведе уште на стартот на вториот дел. Ејбрахам стрелаше во 47 минута за 1:0, а потоа следеа нападите на Интер кој успеа да израмни преку Чалханоглу од 20 метри кој упати одличен удар во 67 минута.

До крајот на натпреварот и двете екипи имаа неколку одлични можности да постигнат втор гол и победа, но останаа неискористени.

Реваншот на кој Интер номинално ќе биде домаќин ќе се одигра на 23 април.

Во вторникот, Болоња дојде до голема предност во второто полуфинале, откако во првиот натпревар го совлада Емполи на гости со 3:0.