Францускиот фудбалски клуб ПСЖ го суспендираше Лионел Меси поради кршење на клупската дисциплина. Аргентинецот со семејството замина на патување во Саудиска Арабија, само еден ден по мечот со Лориен. Пари Сен Жермен го загуби тој меч на „Паркот на принцовите“. Се испостави дека тоа го направил без дозвола од клубот, поради што следуваше суспензијата.

Меси наводно малку порано одлучи да не го продолжи договорот со парижаните и веќе ќе може слободно да преговара со други клубови.

– Мислев дека ќе имаме слободен ден по натпреварот како и обично. Имав планирано патување и не можев да го одложам. Веќе го одложив и претходно. Им се извинувам на соиграчите и чекам да видам што ќе направи клубот со мене – изјави Меси во видео-обраќање преку своите социјални мрежи.

– Понуда од 400 милиони долари за Лионел Меси, двојно повеќе од Кристијано Роналдо

Leo Messi statement ??? #Messi

“I thought we were going to have a day off after the game as always. I had this trip organized and I couldn't cancel it. I had already canceled it before…”.

“I apologize to my teammates and I'm waiting for what the club wants to do with me”. pic.twitter.com/GBuarEgwSl

— Fabrizio Romano (@FabrizioRomano) May 5, 2023

Доста шпекулации се вртат околу иднината на Лионел Меси кој наводно повеќе не сака да игра за ПСЖ. Според „Ројтерс“, Аргентинецот има една понуда и таа доаѓа од Саудиска Арабија, поточно од Ал-Хилал.

Аргентинските медиуми наведуваат дека понудата е вредна 400 милиони долари за една година. Тоа е речиси двојно повеќе од сумата за која Кристијано Роналдо потпиша за Ал-Наср. Доколку ја прифати понудата, Меси би тргнал по патот што го започна неговиот најголем ривал Кристијано Роналдо, кој блеска со своите голови во дресот на Ал-Наср, иако недостасуваат трофеите.

ПСЖ се огласи по навредите на навивачите кон Меси и Нејмар