Кога зборуваме за храна која е опасна за децата и може да предизвика гушење, многу луѓе прво помислуваат на грозје, пуканки или тврди бонбони.

Сепак, според медицинската сестра и мајка на три деца Ники Јуркуц, еден друг вид на храна може да биде најопасен за животот на детето, пренесува „Д Сан“ (Thesun).

Како што објасни Ники на својот Инстаграм профил „Tiny Hearts Education“, каде што редовно објавува совети за родителите, виршлите се на листата на високоризични намирници за бебиња и деца поради нивната структура, која буквално може да ги блокира дишните патишта и да предизвика гушење.

Таа била поттикната на оваа тема од два неодамнешни смртни случаи на мали деца предизвикани од гушење од виршли.

„Ако дизајнирате совршен блокатор за дишните патишта на детето, не би можеле да изберете подобра храна од виршла. Тоа е храна со висок ризик од гушење за која не се зборува доволно. Виршлата е совршена форма и текстура да ги блокира дишните патишта на детето“, објаснува таа во видеото.

Исто така, таа им дала совети на родителите како правилно да го исечат хот-догот ако сè уште сакаат да му го послужат на своето дете, а притоа да го намалат ризикот од гушење што е можно повеќе.

„Не ги сечете виршлите на кругови кога му ги послужувате на вашето дете. Така целосно ги блокираат дишните патишта. Сечете ги на тесни стапчиња, па дури и да се заглават, сè уште има простор за вдишување воздух“, вели Ники.