Гледачите на циркусот во Русија се згрозиле кога виделе како мечка го напаѓа нејзиниот дресер.

Сѐ  се случило на настап на циркусот „Морети“, кога мечката по име Донат го нападнала скротувачот Сергеј Прицинич.

Како што може да се види на видеото, сè се случило додека мечката тешка околу 250 килограми била на ховерборд.

Скротувачот бил прикован од мечката околу 30 секунди пред да интервенира друг работник од циркусот, удирајќи го животното за да му даде време на Прицинич да се ослободи и да стане.

Според раководителот на циркусот, скротувачот „почекал мечката да се смири, станал и ја продолжил претставата која ја затворил со бакнеж“.

„Ова е животно. Секое од нив се однесува различно. Можеби нешто не им се допаѓа и на овој начин ги изразуваат своите чувства. Секој скротувач го сфаќа ова“, додаде директорот на циркусот.