ВИДЕО | Маж со возило ја пробил оградата на луксузниот дом на Џенифер Анистон: Во моментот на инцидентот, актерката била во вилата
Маж е уапсен откако со возило пробил низ оградата на луксузната вила на Џенифер Анистон во Бел Ер, вредна 21 милион долари. Во времето на инцидентот, актерката била во вилата.
Препорачано
Осомничениот маж, за кој се верува дека е во седумдесеттите години, влегол во имотот на актерката вчера со автомобил.
Според извештајот на „ТМЗ“, обезбедувањето веднаш реагирало, го извлекло мажот од возилото и го држело под закана со пиштол додека не пристигнала полицијата.
An intruder has been taken into custody by LAPD after crashing through the front gate of Jennifer Aniston’s Bel Air mansion.
The intruder was taken down by private security. Jennifer Aniston was home at the time. pic.twitter.com/fFKsPGN1No
— Kevin Dalton (@TheKevinDalton) May 5, 2025
Портпаролот на полицијата во Лос Анџелес, Џеф Ли, изјави дека полицајците реагирале околу 12:30 часот, со пријава за лице „кое провалило низ влезната врата на домот на актерката со автомобил“.
Полицијата потврди дека Анистон немала контакт со осомничениот и дека не е повредена. Мажот ќе биде обвинет за кривично дело оштетување на имот, иако не влегол во вилата.
Истрагата за ова кривично дело е во тек, а човекот имал претходно мало криминално досие. Сепак, врз основа на досегашните докази, не е утврдено дека тој лично ја таргетирал Анистон.
