ВИДЕО | Масовни протести во Буенос Аирес против економските реформи на Милеи, неколку пратеници повредени
Безбедносните сили употребија солзавец и водени топови синоќа во Буенос Аирес за да ги растераат демонстрантите кои протестираа против економските реформи на аргентинскиот претседател Хавиер Милеи.
Препорачано
Неколку лица се повредени пред Парламентот, меѓу кои и петмина пратеници кои беа погодени со солзавец, додека во Сенатот се расправаше за пакетот клучни реформи на ултралибералниот претседател.
„Најмалку пет опозициски пратеници се хоспитализирани“, изјави пратеничката Сесилија Моро.
Според Здружението против институционално насилство, околу 40 демонстранти биле лекувани поради ефектите од солзавецот. Демонстрантите одговорија со фрлање камења кон полицијата и запалија два автомобила.
?⚡️URGENT: Violence is spreading across Argentina as the Argentine people rise up against President Javier Milei, who has plunged the country into famine.#Argentina #Violence #Protests #JavierMilei #Famine #Crisis #BreakingNews pic.twitter.com/UHXZRXyh9H
— SilencedSirs◼️ (@SilentlySirs) June 12, 2024
Аргентинскиот Сенат подоцна го одобри законодавниот пакет што предизвика сериозни контроверзии во аргентинското општество за радикални реформи во управувањето со државата и даночниот систем на Аргентина, воведени од претседателот Хавиер Милеи. Така, тој ја постигна првата победа во своите намери за радикални промени во јужноамериканската земја.
Доцна синоќа сенаторите го усвоија реформскиот пакет со 37 „за“ и 36 гласа „против“ по 11 часа жестока дебата што се одржа додека демонстрантите надвор ги повикаа да го отфрлат законодавниот пакет и се судрија со полицијата. Како олицетворение на реакцијата што ја предизвика реформскиот проект на Милеи и длабоката поларизација во Националниот конгрес на Аргентина, усвојувањето на законот во целост беше овозможено со одлучувачкото гласање на потпретседателката Викторија Виљареал, која е и претседател на Сенатот. Првично, гласовите за и против беа изедначени со 36 спрема 36, но според Уставот, како претседателка во вакви случаи, таа има право на одлучувачки глас, кој го користи за поддршка на реформите.
„Мојот глас е за“, изјави Виљаруел пред пратениците.
Предлог-законот ќе му даде на претседателот широки овластувања во енергетиката, пензиите, безбедноста и други области. Промените, исто така, вклучуваат мерки кои се сметаат за контроверзни, како што се големи отстапки за странските инвеститори, даночна амнестија за непријавени средства и намери за приватизација на некои од државните претпријатија во Аргентина.
BREAKING: Far Left Militants are in the streets of Argentina creating chaos to protest Milei’s economic reforms and deregulations. The Cadena 3 Argentina news car being flipped over, set on fire, and blown up.
I used A.I. to translate this footage from @todonoticias and gave it… pic.twitter.com/9YDKKFBRjp
— Stu (@thestustustudio) June 12, 2024
Доколку Сенатот го усвои законодавниот пакет предложениот закон ќе оди на разгледување во Долниот дом на Конгресот. Ако се одобрат и таму, предложените измени на Милеи ќе станат првиот закон што тој го протурка откако ја презеде функцијата во декември.
