Фудбалерите на Манчестер сити го победија Ал Аин од Обединетите Арапски Емирати со 6:0 во Атланта во второто коло од групата Г на Светското клупско првенство.

Головите за англиската екипа ги постигнаа Илкај Гундоган во осмата и 73 минута, Клаудио Ечевери во 27, Ерлинг Халанд од пенал во (45+5`), Оскар Боб во 84 и Рајан Черки во 89 минута.

На табелата водат Јувентус и Манчестер сити со по шест бодови и овие две екипи на 26 јуни ќе играат во последното трето коло.

Во групата Х австрискиот Салцбург одигра без голови (0:0) против Ал Хилал од Саудиска Арабија.

Во генералниот пласман по две кола води Реал Мадрид со четири бодови колку што има и Салцбург на второто место. Два бодови има Ал Хилал, додека Пачука е последна без бодови.

На 27 јуни Реал Мадрид ќе игра против Салцбург, додека Ал Хилал ќе се сретне против Пачука.