Манчестер сите не дозволи изненадување и со рутински 3-1 го совлада Борнмут, додека вистинска голеада се одигра на „Селхерст Парк“ каде Кристал палас со 4-2 беше подобар од Вулверхемптон во рамки на 37. коло од Премиер лигата.

„Граѓаните“ доминираа уште од стартот, а во 14. минута Омар Мармуш се погрижи да ги отвори головите со прекрасен удар кој ја затресе мрежата. До крајот на полувремето, Бернардо Силва го зголеми водството на 2-0, потврдувајќи ја контролата на избраниците на Пеп Гвардиола.

Иако Борнмут доби шанса да се врати во игра откако Сити остана со играч помалку по исклучувањето на Матео Ковачиќ, тоа не го промени текот на натпреварот. Нико во 89. минута стави точка со третиот погодок за Сити, пред Борнмут да постигне утешен гол во самиот финиш (1-3). Победата значи многу за „граѓаните“ во трката за место во Лигата на шампиони, но мечот остана во сенка на емотивното збогување со Кевин Де Брујне.

Во Лондон, пак, навивачите на Кристал палас и Вулверхемптон имаа можност да уживаат во вистински фудбалски спектакл. Гостите поведоа преку Агбаду во 24. минута, но Палас брзо возврати, Нкетија беше двоен стрелец и донесе пресврт. Чилвел во 50. минута зголеми на 3-1, но Вулвс не се предаде и преку Ларсен намали на 3-2, оставајќи простор за неизвесност. Сепак, Езе во самиот финиш го затвори натпреварот со четвртиот погодок за домаќините.