Фудбалерите на Манчестер сити денеска го освоија трофејот Комјунити шилд, откако по изведувањето на пенали на Вембли во Лондон го совладаа Манчестер јунајтед со 7:6, а по регуларниот дел резултатот беше 1:1.

На славниот Вембли пред 78.416 навивачи, Јунајтед поведе со голот на Алехандро Гарначо во 82 минута, а израмни Бернардо Силва во 88 минута.

Во 54 минута голот кој го постигна Бруно Фернандеш беше поништен поради офсајд. Бидејќи по регуларниот дел немаше победник, освојувачот на трофејот беше решен по изведувањето на пенали.

Првиот пенал за Сити го реализираше Силва, а голманот Андре Онана го одбрани. После тоа, сите играчи на Сити беа прецизни – Кевин де Брујне, Ерлинг Халанд, Савињо, голманот Едерсон, Матеус Нунес, Рубен Диас и Мануел Аканџи.

Во тимот на Јунајтед четвртиот пенал го изведе Џејдон Санчо, но Едерсон го одбрани, додека последниот пенал го промаши Џони Еванс. Головите ги постигнаа Фернандес, Диого Дало, Гарначо, Касемиро, Скот Мектоминај и Лисандро Мартинез.

За трофејот Комјунити Шилд играат шампионите на Премиер лигата од минатата сезона, во случајов Манчестер сити и освојувачот на ФА Купот – Манчестер јунајтед. Сити го освои седмиот Комјунити Шилд, и прв од 2019 година. Јунајтед е рекордер со 21 титула, последен пат триумфираше во 2016 година.