Манчестер сити триумфираше и во шестото коло од најквалитетната англиска фудбалска лига, денеска на својот „Етихад“ со 2:0 го совлада Нотингем форест.

Домаќините своите два гола ги постигнаа во првите 15 минути од првото полувреме, стрелци беа Фоден и Халанд.

Иако Сити од стартот на второто полувреме играше со фудбалер помалку поради црвениот картон на Родри, составот на Пеп Гвардиола до крајот на мечот ја задржаа предноста.

На табелата водат „граѓаните“ со 18 бодови, додека Нотингем форест после третиот пораз сезонава е на 10 место со седум бодови.

Во другите денешни мечеви од шестото коло во Премиер лигата: Кристал палас – Фулам 0:0 и Лутон – Вулверхемптон 1:1.