Денеска од 17.00 часот на стадионот „Викторија Жишков“ во Прага, Чешка, најдобрата македонска фудбалска репрезентација ќе игра контролен натпревар против Саудиска Арабија.

Овој меч ќе биде искористен како подготовка пред новиот квалификациски меч за пласман на Светското првенство 2026 на 7 септември во Скопје против Лихтенштајн.

Нашиот селектор Благоја Милевски изјави дека Саудиска Арабија е предизвик за сите наши играчи.

Сениорската репрезентација на Македонија досега двапати одиграла пријателски мечеви против Саудиска Арабија.

На 1 август 2021 година во Ријад, Саудиска Арабија, двете селекции ремизираа со резултат 1:1. По првото полувреме водевме со голот на Горан Мазнов во 34 минута, а противникот успеа да израмни во 64 минута преку Обеид Ал-Досари.

На 22 октомври 2022 година во Абу Даби, ОАЕ, репрезентацијата на Саудиска Арабија славеше минимално со 1:0 благодарение на погодокот на Салех Ал-Шехри во 85 минута.