Фудбалерите на Милан и Аталанта одиграа нерешено 1:1 на стадионот „Сан Сиро“ во Милано во натпреварот од 26 коло во Серија А.

„Росонерите“ поведоа со голот на Рафаел Леао во раната фаза уште во третата минута од средбата.

Аталанта успеа да дојде до реми благодарение на Тјон Копмејнерс кој беше прецизен од белата точка во 42 минута.

Моментно на табелата Милан е на третата позиција со 53 бодови, четири помалку од второпласираниот Јувентус, додека Аталанта е петтопласирана со 46 бодови.

Во следното коло од италијанскиот шампионат Милан ќе му гостува на Лацио, додека Аталанта ќе се соочи против Интер на гости.