Кошаркарите на Мајами Хит не влегоа како фаворити во финалната серија на Истокот против Бостон Селтикс, но со фантастична игра веќе дојдоа до водство од 3:0.

На последниот натпревар изминатата вечер славеа убедлива победа од 128:102. Како и кошаркарите на Денвер, така и Мајами го дели само една победа од борбата за трофеј во НБА лигата.

Од почетокот до крајот Мајами доминираше и не дозволи Бостон да се надева на нешто. Изненадувачки херој на паркетот беше Винсент кој уфрли 29 поени, Батлер кој блескаше во претходните две средби сега застана само на 16 поени. Треба да се истакне и дека резервистите Робинсон и Мартин комбинираа 40 поени.

На спротивната страна Тејтум беше најефикасен со 14 поени и 10 скокови и тоа беше премалку за да му помогне на својот тим да направи нешто повеќе.