Вечерва во дербито одиграно на „Џузепе Меаца“ во Милано екипата на Интер триумфираше над Лацио со 3:1 (2:0).

Новата лигашка победа на „неро-аѕурите“ ја најави белгискиот интернационалец Лукаку кој стрелаше двапати во првото полувреме.

Во 61 минута намали римскиот клуб со погодокот на Ескаланте, а само 180 секунди подоцна третиот гол на домаќините беше дело на Мартинез после асистенцијата на Лукаку.

После вчерашниот пораз на Милан од Специја, на табелата во Серија А повторно води екипата на Конте со 50 бодови, еден повеќе од „росонерите“.

Токму Милан и Интер за седум дена ќе ги одмерат силите, битка која може да биде многу важна на патот кон Скудетото.