фото: EPA/MATTEO CORNER

ВИДЕО | Лука Модриќ го одигра првиот натпревар во дресот на Милан

Денеска во пријателски натпревар како подготовка за новата сезона на Стемфорд Бриџ во Лондон фудбалерите на Челси со 4:1 го совладаа Милан.

Новото летно засилување Лука Модриќ дебитираше за Милан. После 13 години поминати во дресот на Реал Мадрид, Хрватот одлучи да ја продолжи кариерата во Италија.

Модриќ потпиша за клубот што го сакаше како дете, а сега ги одигра своите први минути во дресот на „росонерите“.

Лондонските „сини“ беа во водство уште по пет минути игра по автоголот на Кубис. Само три минути подоцна предноста беше зголемена откако стрелаше Жоао Педро.

Проблемите на Милан станаа уште поголеми поради црвениот картон на Кубис во 18 минута. Тоа го искористи Челси за нов погодок во 67 минута од пенал кој го реализираше Делап.

Во 70 минута Милан постигна почесен погодок преку Фофана, а конечниот епилог го постави Делап со својот втор гол на мечот во 90 минута.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот