Фудбалерите на Ливерпул го совладаа Лестер со резултат 3:0 во натпреварот од 36 коло во Премиер лигата. Двапати во листата на стрелците се запиша Џонс, еднаш Александер-Арнолд, а три асистенции имаше Салах.

„Црвените“ водат битка за една од позициите кои водат во групите на Лигата на шампионите следната сезона, а од друга страна „лисиците“ во последните две кола од сезоната ќе водат грчевита борба за опстанок во елитата.

На табелата Ливерпул е петтопласиран со 65 бодови, еден помалку од Њукасл и Манчестер јунајтед (овие две екипи имаат натпревар помалку) на третото, односно четвртото место.

Лестер е на претпоследната 19 позиција со 30 бодови, еден помалку од Лидс кој исто така е во опасната зона за испаѓање, а засега сигурниот Евертон е на 17 место со 32 бодови.

Во следното коло Ливерпул на 20 мај ќе ја пречека Астон вила, додека Лестер два дена подоцна ќе му гостува на Њукасл.