Фудбалерите на Ливерпул денеска на домашен терен го совладаа Вулверхемптон со 2:1 во 25 коло од Премиер лигата.

Ливерпул поведе со голот на Луис Дијаз во 15 минута, а Мохамед Салах со пенал во 37 минута го зголеми водството, постигнувајќи го седмиот гол во последните шест натпревари.

Конечниот резултат го постави напаѓачот на Вулверхемптон, Матеуш Куња со гол во 67 минута.

Ливерпул сега е непоразен на последните 21 натпревар во Премиер лигата, и е лидер со 60 бодови, седум повеќе од второпласираниот Арсенал, додека Вулверхемптон е на 17 место со 19 бодови.

Двата клуба во следното коло ќе играат на гости, Ливерпул во Бирмингем против Астон Вила, а Вулверхемптон против Борнмут.