Легендарниот италијански дефанзивец Џорџо Кјелини ја заврши професионалната кариера. Кјелини својот последен меч го одигра во финалето на МЛС лигата, каде неговиот Лос Анџелес беше поразен од Колумбус.

Кариерата ја започна во 2000 година во Ливорно, а потоа во Јувентус се промовираше во еден од најдобрите одбранбени играчи во светот.

За „Старата дама“ играше во периодот од 2005 до 2022 година, имаше вкупно 561 настап и 36 голови.

Во дресот на Јуве освои 10 шампионски титули во Серија А и пет во Купот на Италија. За најдобрата италијанска репрезентација имаше 117 настапи и со која беше шампион на Европското првенство 2020.

– Ти беше најубавото и најинтензивното патување во мојот живот. Ти беше моето сè. Со тебе поминав уникатен и незаборавен пат. Но, сега е време да започнам нови поглавја, да се соочам со нови предизвици и да напишам понатамошни важни и возбудливи страници од животот – рече Кјелини на социјалните мрежи.

You have been the most beautiful and intense journey of my life.
You have been my everything. With you I have travelled a unique and unforgettable path.
But now it is time to start new chapters, face new challenges and write further important and exciting pages of life. pic.twitter.com/IjHDDE4jMe

— Giorgio Chiellini (@chiellini) December 12, 2023