Фудбалерите на Реал Мадрид го совладаа Лас Палмас со 4:1 во 20. коло од шпанската Ла Лига.

Натпреварот не започна добро за кралскиот тим, бидејќи Фабио Силва го доведе својот тим во предност уште во првата минута. Сандро Рамирез нафрли, а поранешниот напаѓач на Волците ја затресе мрежата на Куртоа.

Тој гол само како да ги налути избраниците на Карло Анчелоти. Мбапе од пенал го израмни резултатот во 18. минута, а Брахим Дијаз во 33. минута донесе пресврт.

Французинот Мбапе го постигна третиот гол за Реал во 36. минута. Овој пат погоди по асистенција на Родриго. Тоа беше 12-ти гол за Мбапе во Ла Лига оваа сезона.

Конечниот резултат го постави Родриго во 57. минута по асистенција на Гарсија.

Лас Палмас остана со играч помалку затоа што Рамирез заработи црвен картон во 64. минута поради бруталниот удар врз Лукас Васкез. На врвот во првенството сега е Реал со 46 бодови, два повеќе од Атлетико кој загуби во саботата од Леганес.