Со извици „Департизација сега“ и „Доста е“ протестен марш денеска одржаа културните работници од струмичката иницијатива „Култура или фис-култура“. Едно од главните барања на иницијативата е отповикување на одлуката за назначување на професор по физичко за генерален директор на НУЦК „Антон Панов“ во Струмица.

Пред Владата, културните работници порачаа дека ова не претставува само локален проблем, и дека тие се тука во името на сите кои се запоседнати од, како што рекоа, партиските канџи.

Освен во Скопје, денеска културни работници протестираа и во Охрид на кејот „Македонија“, пред споменикот „Св. Кирил и Методиј“.