Омилено кученце со над 15 милиони следбеници на социјалните мрежи ја доби својата почесна диплома од Универзитетот во Њу Хејвен за време на церемонијата на дипломирање во 2025 година.

Мопсот Даг, кој е инфлуенсер, основач и филмска ѕвезда – додаде уште еден наслов во своето богато портфолио.

Имено, на 17 мај, само неколку дена пред неговиот 13-ти роденден, познатиот мопс кој ги освои срцата на милиони луѓе низ целиот свет, доби почесна диплома од Универзитетот во Њу Хејвен (Конектикат).

 

View this post on Instagram

 

A post shared by Doug the Pug (@itsdougthepug)

„Бев шокирана и пресреќна! Секој пат кога нешто ново се случува со Даг, тоа е посебно за нас. Благодарни сме за секој момент и за сите авантури што ги споделуваме “, изјави сопственичката на Даг, Лесли Мозиер, за „Пипл“.

Даг се појави на церемонијата во вистински академски стил – комплетен со капа и одело кроено за него, за да добие почесна диплома по „форензика за крзно“ (форензичка наука).

„Даг доби почесна диплома по „форензика за крзно“ – забавна игра на зборови во чест на една од најпознатите програми на универзитетот, форензичката наука, основана од легендарниот д-р Хенри Ц. Ли, воедно и говорник на церемонијата“, објаснува Лесли.

Врската на ова слатко куче со универзитетот започнала благодарение на неговиот сопственик, кој соработува со Универзитетот во Њу Хејвен на развој на стратегија за социјални медиуми. Таа неодамна одлучи да го земе Даг на кампусот – што се покажа како хит.

 

View this post on Instagram

 

A post shared by Doug the Pug (@itsdougthepug)

„Даг веднаш се заљуби во кампусот. Тој ги запозна студентите, па дури и го запозна роботот Спот од Бостон Дајнамикс. Студентите беа воодушевени и почнаа да го бараат! Универзитетот, како и секогаш, ги сослуша своите студенти и ја искористи можноста да создаде нешто забавно и незаборавно“, додава Лесли.

Барајќи уникатен начин да го врати Даг на кампусот, универзитетот одлучи да го покани на церемонијата на дипломирање и да му додели почесна диплома. И кога се појави, беше пречекан со овации и аплауз.

„Беше пресреќен што ги виде своите пријатели и што го доби целото внимание. Обожава да биде препознаен и секако да биде чешкан по задникот“, вели Лесли со насмевка.