ВИДЕО | Критики од сите страни: Нусрет Гокче се пофали со сметка од 100.000 евра од својот „најпреценет“ ресторан во светот
Турскиот готвач Нусрет Гокче, познат како Салт Бае, на Инстаграм објави сметка од својот ресторан во Дубаи. Во ресторанот на Нусрет, гостите јаделе говедско карпачо, „златни“ бифтеци, „златна“ баклава, пиеле мартини, вода…
Препорачано
Сметката изнесувала околу 100.000 евра. Не се знае кој потрошил толку пари за храна и пијалaци во ресторанот на Нусрет, но тој во описот на сметката напишал: „Парите доаѓаат, парите заминуваат“.
Поради висината на сметката и поради фалењето со неа, готвачот наиде на многу критики.
„Со тие пари би можел да го нахраниш цел Појас Газа“, „Срамота е што некој троши толку за храна“, „Најпреценетиот ресторан“, „25 долари турско кафе? 50 долари помфрит? 250 долари за вода? Додека луѓето умираат од глад на улиците?“, „Замислете да сте толку богати што трошите толку многу пари на храна која не вреди ништо“, „Ова е вистински показател зошто светот пропаѓа“, се дел од коментарите.
Нусрет неодамна објави фотографија на која клечи и се моли. Со таа фотографија сакаше да им ја честита Новата година на своите следбеници.
„Се молев за сите вас во 2024 година“, напиша готвачот, но неговата објава не наиде на позитивни реакции. Многумина во коментарите го прозваа со имиња, бидејќи не се огласил за ситуацијата во Израел и Палестина.
