Светскиот шампиот во јадење на хот-дози Џои Честнат си го соборил сопствениот светски рекорд. Тој за 10 минути проголтал 76 виршли и лепчиња за време на натпреварот „Nathan’s Famous International Hot Dog Eating Contest“, пренесува „CNN“.

Ова е 14-ти пат највисоко рангираниот јадач на хот-дози во светот да ја освои титулата во последните 15 години, јадејќи 26 сендвичи повеќе од второпласираниот Џефри Еспер и еден повеќе отколку што успеал самиот минатата година.

„Чувството беше добро“, вели Честнат во интервју за „ESPN“ по неговата победа во неделата. „Дури и да ми беше непријатно, сите што ме охрабруваа и навиваа, ме натераа да се чувствувам добро“.

Годишниот фестивал на четврти јули обично се случувал во населбата Кони Ајленд во Бруклин. Но, оваа година со ограничувањата за корона вирусот настанот се одржал на бејзбол стадион со 5000 гледачи. Минатата година се одржувал во затворени простории и без присутна публика поради пандемијата, пренесува „NBCNews“.

Честнат рекол дека му недостигале обожавателите минатата година. „Цела година со нетрпение го чекав ова“, изјави тој за „ESPN“  во интервјуто пред овогодинешното натпреварување.

 

View this post on Instagram

 

A post shared by Joey Chestnut (@joeychestnut)

Според „Nathan’s“, легендата вели дека првиот натпревар од ваков вид се одржал на 4 јули 1916 година, бидејќи четворица имигранти се натпреварувале да покажат колку се патриоти, јадејќи виршли на штандот на „Nathan’s“ на Кони Ајленд. Натпреварот се снимал од 1972 година.