ВИДЕО: Крај за нервозниот Ѓоковиќ, Руне во полуфиналето на Мастерсот во Рим
Српскиот тенисер Новак Ѓоковиќ не успеа да се пласира во полуфиналната фаза на АТП мастерсот во Рим, Италија. Во четвртфиналето денеска Ѓоковиќ загуби од седмиот играч на светот, Данецот Холгер Руне со 2:1 во сетови 6:2, 4:6 и 6:2 за два часа и 17 минути игра.
Препорачано
Доста нервоза имаше на овој меч кој имаше прекини поради дождот, а и двајцата играчи влегуваа во расправа со судијата Мохамед Лајани.
Ѓоковиќ му пријде на судијата и побара објаснување зошто доби опомена, а причината беше дека Србинот го одолговлекува сервисот.
– Зошто сета оваа драма меѓу англиски и италијански, што правиш, глумиш ли? – беа зборовите на Ѓоковиќ кој беше изненаден.
– „Не, не, прво е на италијански, па на англиски јазик“ – рече шведскиот судија.
Novak Djokovic to umpire in Holger match:
“What’s the drama of waiting between English & Italian to call the score? Are you acting here or what?”
This is comedy at its finest ?
— The Tennis Letter (@TheTennisLetter) May 17, 2023
RUTHLESS RUNE ?@holgerrune2003 knocks 6-time Champion Novak Djokovic out of Rome! #IBI23 pic.twitter.com/8c74E8lIs0
— Tennis TV (@TennisTV) May 17, 2023
Дискусијата продолжи, Лајани ја бранеше својата одлука. „Така го правиме тоа“, додаде Лајани.
– Така правите – што? Зошто ти требаат 20 секунди за да го кажеш резултатот, само кажи го! Бог да чува – Ѓоковиќ не можеше да поверува што му се случува.
Ноле ја бранеше титулата во Рим, што значи дека ќе загуби 640 бодови на новата АТП листа, на која ќе има заостанување од 680 бодови зад Карлос Алкараз, кој се враќа на првото место. Руне за пласман во големото финале ќе игра против победникот од мечот Каспер Руд (Норвешка) – Франсиско Серундоло (Аргентина).
