ВИДЕО | Koj e Лук Блек, младиот музичар кој ќе ја претставува Србија на Евровизија
Лук Блек вчеравечер ги воодушеви сите и победи на натпреварот „Песна на Евровизија“ на Србија, а доби можност да ја претставува Србија овој мај во Ливерпул со неговата песна „Само ми се спие“.
Препорачано
Овој млад човек привлече големо внимание кај луѓето ширум Србија, но и во регионот, но сепак малкумина знаат кој е тој.
View this post on Instagram
Лук се занимава со авторска музика од 2005 година, на 12 години почнал да пишува текстови, а четири години подоцна да компонира музика и да пишува аранжмани. Во тој период снимил шест албуми кои само неговите најблиски пријатели имале можност да ги слушнат.
View this post on Instagram
Две години подоцна се преселил во Белград да студира англиски јазик и литература. Она што го издвојува Лук од останатите натпреварувачи е музиката која апсолутно се разликува од домашните стандарди.
Овој млад уметник веќе шест години живее и работи во Лондон, каде ја создаде песната што ќе ја претставува Србија на Евровизија.
View this post on Instagram
Тој за прв пат се претставил пред јавноста во мај 2014 година, како дел од фестивалот Гроуленд, кога премиерно го изведе синглот D-Generation. Покрај сопствената музика, тој произведува и аудио и режира свои изведби и музички спотови, пренесува српски Курир.
Во потрага по својот уметнички израз, тој експериментира и испробува нови и неочекувани форми и стилови, а со години соработувал со Констракта и Земља грува.
„Денес имам 30 години, а долго време правам музика во мојата спална соба. Се научив на разни работи и почнав да ги пишувам првите песни на 12 или 13 години. Дојдов во Белград од Чачак и почнав да се занимавам повеќе со музика. „Земља грува“ прва ми ја отвори вратата“ – рече тој во емисијата „Викенд на К1“ и додаде:
View this post on Instagram
„Никој не се интересираше за мојата музика освен Милован од „Земље грува“. Ме научија многу за целата техника, пеење, првпат го слушнаа мојот вокал. Сè ми беше многу чудно. Имав бавен, но темелен процес на учење во музиката. Не се форсирав премногу. Не сум толку сигурен во себе за да се ставам во преден план“- рече Лук.
„Мислам дека Изборот за песна на Евровизија се промени во последните години во однос на тоа како јас го доживував. Фестивалот го доживував на таков начин што почувствував дека мора да има потрадиционален звук или девојки кои се пооскудно облечени. Тој некој фах што не ми е близок. Мислев дека не постои такво нешто како концепт, а тој концепт најмногу ме инспирира во создавањето музика. Не можам да кажам дека сум пејач или текстописец, повеќе би рекол дека сум уметник. Затоа мислев дека таму нема место за мене, но откако победи Констракта, тоа е некое мое милје на музичари со кои се чувствував добредојдено, се премислив – рече неодамна Лук.
View this post on Instagram
ФОТО+ВИДЕО | Србија го избра својот претставник за Евровизија
