ВИДЕО | Климатските активисти го испрскаа со портокалова боја гробот на Чарлс Дарвин во Лондон
Климатските активисти од групата „Само запрете ја нафтата“ (Just Stop Oil) денеска со портокалова боја го обоија гробот на британскиот природонаучник Чарлс Дарвин во Вестминстерската опатија во Лондон.
Препорачано
Активистите ги напишаа зборовите „1,5 е мртва“ на мермерната надгробна плоча, алудирајќи на идејата за горната граница на порастот на просечните температури, која земјите ја поставија како цел во однос на прединдустриските вредности.
Меѓутоа, неодамна беше објавено дека просечната глобална температура за првпат ја надмина таа граница минатата година, објави „Ројтерс“.
„Го надминавме прагот од 1,5 степени што требаше да нè направи безбедни“, рече еден активист, додавајќи: „Дарвин ќе се сврти во својот гроб да знае дека се соочуваме со масовно истребување“.
Вестминстерската опатија го потврди инцидентот и најави дека ќе бидат преземени итни мерки за чистење на споменикот.
Активистите од групата и претходно спроведуваа слични протестни акции во Британија, а нивна цел најчесто биле уметнички дела во музеите и галериите.
WATCH: Just Stop Oil activists have spray-painted “1.5 is dead” on Charles Darwin’s grave in Westminster Abbey. pic.twitter.com/PiQlNcTZi0
— Talk (@TalkTV) January 13, 2025
