Аргентинската фудбалска легенда, Анхел Ди Марија, продолжува да го фасцинира фудбалскиот свет со својата вештина, дури и во подоцнежните години од кариерата.

На дербито помеѓу Росарио централ и Бока јуниорс во рамки на осмото коло од Клаусура, Ди Марија во 24-та минута изведе корнер кој заврши во мрежата на Бока.

https://twitter.com/i/status/1967331886801264776

Со пет ремија во седум натпревари, тимот на Ариел Холан останува непоразен, со две победи, и моментално се наоѓа на седмото место на табелата, со натпревар помалку. Нов триумф би можел да ги искачи и до четвртата позиција.

Ди Марија се врати во својот матичен клуб ова лето од Бенфика како слободен играч. Досега одигра седум натпревари и постигна четири гола, потврдувајќи ја својата значајна улога во тимот.