ВИДЕО: Кинескиот модул Чанг-5 слета во Монголија, донесе околу два килограми месечиеви карпи и прашина
Кинескиот модул „Чанг-5″, што замина на Месечината за да собере примероци од тлото, денеска слета во северниот дел на кинеската провинција Внатрешна Монголија, јави агенцијата Ксинхуа.
Препорачано
Агенцијата додава дека ова е првата мисија со враќање од Месечината од далечната 1970 година.
Модулот собра околу два килограми месечиеви карпи и прашина. Со оваа мисија Кина постигна да биде прва земја што донела вакви примероци од далечната 1970 година.
Модулот денеска, во раните утрински часови по локално време, слета во Сизиванг или Дорбод, во Внатрешна Монголија.
Кинезите на 24 ноември го лансираа „Чaнг 5″ и на почетокот на декември модулот го спуштија на Месечината.
Успехот на Кинезите го покажува фактот дека Кина е само третата земја во светот што зема примероци од лунарното тло, по САД и Советскиот сојуз, кои први успешно ја завршија мисијата од ваков тип пред 44 години, пренесуваат британските медиуми.
